Má?ggaláganvuohta

Máŋggáláganvuohta oaivvilda dan, ahte olbmo identitehtii gullevaš earut gudnejahttojuvvojit dorvvolaš ja doarju birrasis. Servodaga máŋggaláganvuohta guoská buot vehádagaid ja erenomášjoavkkuid. Dan vuolggasadjin lea jurdda iešguđetlágan olbmuin ja servošiin, mat gudnejahttet nubbi nuppi sierraláganvuođa. Earáláganvuohta sáhttá vuođđuduvvat ovdamearkka dihtii sohkabeallái, seksuálavuhtii, sosio-ekonomalaš sajádahkii, ahkái, rumašlaš iešvuođaide dahje váttuide, bajiloaidnui, oskui, gillii, kulturerohusaide, čearddalaš iešvuođaide, politihkalaš oainnuide dahje earálágan ideologiijaide ja nana jáhkuide.

Dáidda- ja kultursuorggis máŋggaláganvuohta oaivvilda dan, mo erenomášjoavkkuid ja vehádagaid iežas kultuvra váldojuvvo vuhtii bálvalusaid fálaldagas, skáhppomušain sihke vurkemis ja dokumenteremis. Dehálaš lea maid dat, váldojuvvojitgo bálvalusaid fálaldagas vuhtii iešguđetlágan olbmuid beroštumit ja vásáhusat. Gávdnetgo sii fálaldagas áššiid, maid navdet oahpisin ja čalmmustahttojuvvojitgo sin vásáhusat ja vehádatkultuvrrat?

Kultuvra buohkaide -bálvalusa ulbmil lea ovttaveardásaš servodat, gos buohkain lea vejolašvuohta oasálastit máŋggalágan kultureallimii. Mii fállat dieđu, skuvlejumi ja bargoneavvuid, mo doarjut máŋggaláganvuođa ja miellaguottuid dovdáma. 

Máŋggaláganvuođas gávdno eambbo diehtu min neahttasiidduid suomagielat oasis Moninaisuus.